संतपर अभंग वारकरी भजनी मालिका
संत संग महिमा अभंग
८१. संत संग महिमा अभंग प्रारंभ
संतसंगे हरे पाप । संतसंगे निरसे ताप।
१ संतसंगे हरे पाप । संतसंगे निरसे ताप । संतसंगे निर्विकल्प । होय मानस निश्र्चळ ॥१॥
संतसंगे वैराग्य घडे । संतसंगे विरक्ती जोडे । संतसंगे निजशांति वाढे । साधन ह्रदयी अखंडीत ॥२॥
संत संगे हरिची भक्ति । संतसंगे ज्ञान विरक्ती । संतसंगे भुक्ती मुक्ती । साधका वरिती अनायसे ॥३॥
निळा म्हणे साधु संत । महाभाग्याचे हे भाग्य । सेविती ते स्वरुप चांग । पार्वती आत्मया श्रीहरिचे ॥४॥
ऐसी प्राप्ती कै लाहीन
ऐसी प्राप्ती कै लाहीन । संत संगती राहीन ।
त्यांचे संगती मी ध्याईन । नामा गाईन अहर्निशी ॥१॥
भावे धरलिया संतसंग । सकळ संगा होय भंग ।
अभ्यासिता आकळे योग । पळे भवरोग आपभये ॥२॥
सेविलीया संतचरण तीर्था । तीर्थे पायवणी वोढविती माथा ।
सुर नर असुर वंदिती तत्वतां । ब्रह्म सायुज्यता घर रिघे ॥३॥
संत चरणरज मस्तकी पडे । देह संदेह समूळ उडे ।
उघडिली मुक्तिचि कवाडे । कोंदाटे पुढे परब्रह्म ॥४॥
दृढ धरलिया सत्संगती । अलभ्य लाभ आतुडे हाती ।
चारी पुरुषार्थ चारी मुक्ति । पायां लागती निजदास्य ॥५॥
जै कृपा कारिती संत । जन विजन होय जनार्दन ।
एका जनार्दनी शरण । ब्रह्म परिपूर्ण तो लाहे ॥६॥
ब्रह्ममूर्ती संत जगी अवतरले
ब्रह्ममूर्ती संत जगी अवतरले । उद्धरावया आले दीन जनां ॥१॥
ब्रह्मादिक त्यांचे वंदिती पायवणी । नाम घेता वदनी दोष जाती ॥२॥
हो कां दुराचारी विषयी आसक्त । संत कृपे त्वरित उद्धरती ॥३॥
अखंडित नामा त्यांचा वास पाहे । निशिदिनी ध्याये सत्संगती ॥४॥
भजनी मालिका
अशौच सुतक विटाळ, आत्म्याचा प्रवास सूची, ग्रंथाचे प्रश्नोत्तरे, धर्म मार्ग, धार्मिक, नारी, स्त्री, स्त्रिया महात्म्य संपूर्ण, पाप कर्म कोणते, पितृकार्य, पौराणिक, प्रश्नोत्तर सूची, भगवान शंकर, भजनी मालिका, भागवत महापुराण सर्व, मृत्यूनंतर पुढे काय ?, वाचावे असे संपूर्ण सूची, वैदिक-हिंदू संस्कृती, शास्त्र असे सांगते, स्त्रियांची-लक्षणे, स्वप्न शास्त्र
आत्म्याचा प्रवास, मृत्यूनंतर पुढे काय ? सर्व भाग सूची
