संत सोपान काका समाधी अभंग वारकरी भजनी मालिका
संत सोपानदेव समाधी अभंग
देव म्हणॆ नाम्या मार्गशीश गाठा
देव म्हणॆ नाम्या मार्गशीश गाठा । जावे सासवडा उत्सवासी ॥१॥
सोपानासी आम्ही दिधले वचन । चला अवघे जन समुदाय ॥२॥
अलंकापुरीची यात्रा केली असे सांग । मग पाडुरंग सिदध झाले ॥३॥
दुरोनी पातका दिसती मनोहर । उठावले भार वैष्‍णवांचे ॥४॥
निवृत्ति मुक्ताई घेतला सोपान । जातो नारायण कर्हेतरी ॥५॥
नामा म्हणे देव गंधर्व सुगरण । चालिले सोपान समाधीसी ॥६॥
कळवळी मन नाही देहभान
कळवळी मन नाही देहभान । वटेश्वर सोपान सोंवळे झाले ॥१॥
संत साधुजन होती कासावीसी । आले समाधीपाशी तांतडीने ॥२॥
समाधी भोवते कुंकमाचे सडे । पाहाती निवाडे अवघे जन ॥३॥
वरी कळ्वळी मन नाही देहभान । वटेश्वर सोपान सोंवळे झाले ॥१॥
संत साधुजन होती कासावीसी । आले समाधीपाशी तांतडीने ॥२॥
समाधी भोवते कुंकमाचे सडे । पाहाती निवाडे अवघे जन ॥३॥
वरी मृगछाला दिसताती लाल । दर्भ आणि फुले समर्पिली ॥४॥
दुर्वा आणि बेल टाकिले मोकळे । साहित्य सकळ समर्पिले ॥५॥
निवृत्ति पांडुरंग बैसले येउन । नमन सोपान करीतसे ॥६॥
सोपानदेवे ग्रंथ केला होता सार
सोपानदेवे ग्रंथ केला होता सार । ठेविला समोर निवृत्तीच्या ॥१॥
सवे मुक्ताबाई सदगुरु निवृत्ती । लक्ष्मीचा पती घेतलीया ॥२॥
जयजयकार ध्वनि होताती अपार । जाती योगेश्वर समाधीसी ॥३॥
राही रखुमाबाई नीळकंठ जवळी । समाधीच्या पाळी अवघेजन ॥४॥
समाधी पायरीवरी वटेंश्वर सोपान । मागितला मान पाडुंरंग ॥५॥
प्रतीवषी भेटी देउ उभयता । अलंकापुरी जाती उत्सवासी ॥६॥
नामा म्हणे देवा कृपा केली फार । दिधला की वर भक्तराजा ॥७ ॥
धुप आणि दीप उजळिल्या ज्योती
धुप आणि दीप उजळिल्या ज्योती । तेव्हा ओसंडती अवघे जन ॥ १॥
सोपान वटेश्वर केला नमस्कार । उतरले पार भवसिंधु ॥२॥
घेतियले तीर्थ तंव झाले विकळ । झांकियले डोळे ब्रह्म-बोधे ॥३॥
निवृत्ति मुक्ताई राहिली बाहेरी । आंता तुम्ही हरि सांभाळावे ॥४॥
देव त्रषीश्वर निघाले बाहेर । केला नमस्कार नामदेवे ॥५॥
जयजयकार टाळी पिटली सकळी
जयजयकार टाळी पिटली सकळी । घातियेली शीळा समाधीसी ॥ १॥
निवृत्ति मुक्ताईने घातयेली घोण । करितो समाधान पांडुरंग ॥२॥
सोपान वटवेश्वर सुखधामी शेजा । करिताती पूजा समाधीची ॥३॥
खेद दु:ख झाले अवघ्या साधुजनां । केली प्रदक्षिणा समाधीसी शेजा ॥४॥
निवृत्ति मुक्ताईने वंदिली समाधी । देहभान शुध्दि हारपली ॥५॥
नामा म्हणे देवा उठा अवघेजण । करु आचमन भोगावती ॥६॥
जाती ब्रह्मादिक जाती
जाती ब्रह्मादिक जाती चराचर । मायीक व्यवहार ऐशा परी ॥१॥
प्रकृती पुरुषाचा मांडियेला खेळ । जाईल सकळ नाशिवंत ॥२॥
चंद्रसुर्य जाईल, मृगज़ळ । जाती तिन्ही ताळ शून्यपोटी ॥३॥
होईल निरामय अवघे चराचर । ब्रह्मीचा विस्तार होईल ब्रह्मी ॥४॥
नामा म्हणॆ स्वामी जाताती सकळ । ब्रह्मी माया मुळ झाली कैसी ॥५॥
समाप्त
अजून काही समाधीचे नवीन अभंग किंवा आवश्यक सुधारणेसाठी संपर्क करा.
धनंजय महाराज मोरे
मोबा. ९४२२९३८१९९
वारकरी संत समाधी अभंग
ईतर लेख, गोसावी-बैरागी-संन्यासी\, ग्रंथाचे प्रश्नोत्तरे, ज्ञानेश्वर म. सार्थ गाथा, ज्ञानेश्वरी पारायण प्रत, प्रश्नोत्तर सूची, वैदिक-हिंदू संस्कृती, संत ज्ञानेश्वर चरित्र, संत ज्ञानेश्वर म. संपूर्ण चरित्र सूची, संत ज्ञानेश्वर संपूर्ण, संत तुकाराम संपूर्ण, संत नामदेव संपूर्ण, संत समाधी अभंग, संत सोपान काका संपूर्ण, सार्थ ज्ञानेश्वरी, सार्थ ज्ञानेश्वरी १८ वा अध्याय, सार्थ ज्ञानेश्वरी अध्याय सूची
संजीवन समाधी व जिवंत समाधी यात काय फरक
