ll दु:खद निधन ll
श्रीमती यमुनाताई तात्यासाहेब वासकर (ताईसाहेब)
वारकरी-रोजनिशी कडून
||भावपुर्ण श्रद्धांजली ||

ll दु:खद निधन ll
💐💐भावपुर्ण श्रद्धांजली 💐💐
वैकुंठवासी. गुरुवर्य तात्यासाहेब बा. वासकर (आबासाहेब) महाराज यांच्या पत्नी श्रीमती यमुनाताई तात्यासाहेब वासकर (ताईसाहेब) यांचे वयाच्या ९० व्या वर्षी मुक्काम वाशी जिल्हा. उस्मानाबाद येथे शनिवार दिनांक १०/१०/२०२० रोजी रात्री १०च्या सुमारास वृद्धापकाळाने दु:खद निधन झाले. त्यांच्या आत्म्यास सद्गगती प्राप्त होवो ही ईश्वरचरणी प्रार्थना व भावपूर्ण श्रद्धांजली…
सूचना – सर्वांना एक नम्र विनंती सध्या सर्वत्र कोरोनाचा प्रादुर्भाव असल्यामुळे कोणीही समक्ष भेटण्यासाठी येवू नये अथवा मोबाइल वरून फोन न करता आपण असाल तेथूनच श्रद्धांजली अर्पण करावी ही विनंती !!

प्रथम पुण्यस्मरण
वै.रामचंद्र बाबा भोदे
वारकरी-रोजनिशी कडून
|| कोटी कोटी अभिवादन ||
आज दि.3-10-20 अ.आश्विन कृष्ण द्वितीया शनिवार प.पू.वै.ह.भ.प.भजन प्रेमी भोदे बाबा ( रामचंद्र बाबा भोदे ) यांचे प्रथम पुण्यस्मरण श्रद्धेय बाबांनी आपल्या जीवनामध्ये भजन, नामस्मरण याशिवाय दुसरे काही केलेच नाही ( तुकाम्हणे येथे भजन प्रमाण ) तुकोबारायांचा गाथा हे त्यांचे जीवन होते बाबांकडे केव्हाही पहा त्यांचे पुढे गाथा आहेच अलीकडच्या काळात स्वा.सु.नि.सद्गुरु जोग महाराजांची निष्काम व विशुद्ध परंपरा चालविणारे ते खर्या अर्थाने वारसदार होते त्यांनी कधी कीर्तन- प्रवचन केले नाही पण आपल्या सानिध्यात आलेल्या हजारो विद्यार्थ्यांना बाबांनी

आपल्या आचरणाने साधक बनविले ( अभेदभक्ती वैराग्य ज्ञान । स्वये आचरोनि आपण । देखी लावावे
इतर जन । लोकसंग्रह जाण या नाव ॥ ) वै. परम श्रद्धेय भोदे बाबा हे माउली चरणी विलीन होऊन आज एक वर्ष पूर्ण झाले त्या निमित्त त्यांच्या पवित्र स्मृतीस कोटी कोटी अभिवादन

बाबांचा 58 वर्षाचा सांगाती – बन्सी दा. उबाळे

देहावसान
वारकरी-रोजनिशी कडून
||श्रद्धांजली||

हरिभक्त परायण, भागवताचार्य, मुख्याध्यापक, धुरंदर राजकारणी, देशाभिमानी, सावरकर भक्त, प्रखर हिंदुत्ववादी ,महाराष्ट्राचे सर्वात लाडके वक्ते श्री वासुदेव नारायण उत्पात तथा वा ना उत्पात गेले पंधरा दिवसापासून दीनानाथ हॉस्पिटलमध्ये उपचार घेत होते आज चार वाजता यांचे दुःखद निधन झाले आपल्या ग्रुप वर श्रीमद् भागवत कथा रूक्मिणी स्वयंवर, राम कथा, त्यांच्या सुरस आवाजामध्ये आपण श्रवण केलेल्या आहेत त्याच प्रमाणे त्यांचे सावरकरांच्या वरील व्याख्याने, मातृ महिमा इत्यादी व्याख्याने प्रसिद्ध आहेत पंढरपुरातील ब्राह्मण समाजाचा बुलंद आवाज होते नियतीपुढे कोणाचे काही चालत नाहीं
ईश्वरी इच्छा
बलियेसि
💐💐🙏 त्यांच्या आत्म्यास चिरशांती प्राप्त होऊ हीच विठ्ठल-रुक्मिणी चरणी प्रार्थना व भावपूर्ण श्रद्धांजली💐💐💐💐🙏🙏🙏

देहावसान
वारकरी-रोजनिशी कडून
||श्रद्धांजली||
वारकरी संप्रदायावर शोककळा!
रामदास जाधव कैकाडी महाराजांचं कोरोनामुळे निधन
{वारकरी रोजनिशी कडून भावपूर्ण श्रद्धांजली}

रामदास महाराज जाधव ( कैकाडी) हे मूळ अहमदनगर येथील होते. वारकरी संप्रदायात त्यांना मानाचं स्थान होतं. पंढरपूर येथील विठ्ठल-रुक्मिणी मंदिर समितीचे माजी सदस्य म्हणून त्यांनी काम पाहिले होते.

रामदास महाराज हे कैकाडी महाराजांचे पुतणे होतं. तेच कैकाडी मठाचं व्यवस्थापन पाहत होते. विशेष म्हणजे रामदास महाराज मठाची जन्मकथा व तिचा उद्देश प्रभावीपणे सांगतय मठात वर्षभर विविध कार्यक्रम साजरे होत असतात.

कैकाडी महाराजांचा मठ परंपरेला अपवाद…

कुठल्याही एका देवाची अथवा महाराजांची प्रामुख्याने उपासना करणारे मठ असतात. मात्र, पंढरपूर येथील कैकाडी महाराजांचा मठ त्या परंपरेला अपवाद आहे. कैकाडी महाराजांनी अनेक वर्षे जमिनीला पाठ न लावता ध्यानसाधना केली. त्यानंतर जेव्हा त्यांचा भक्तगण वाढू लागला आणि गुरूंना काय देऊ असे विचारू लागला होता. तेव्हा त्यांनी भक्तांना नामजप लेखन देण्याचा आग्रह केला. त्यातही विशिष्ट नाम असा आग्रह नव्हता. त्यांनी ज्याचे जे उपासना दैवत त्याचे नाम त्याने लिहावे व तो जपसंग्रह महाराजांना द्यावा, असं सुचवलं. अशा प्रकारे, सहस्र कोटी नामजप त्यांच्याकडे संकलित झाला, असं सांगितलं जातं.