संत एकनाथ महाराज जल समाधी सोहळा अभंग वारकरी भजनी मालिका
येथे संत श्री एकनाथ महाराज यांच्या
समाधी सोहळ्याचे अभंग अर्थात नाथ षष्ठी अभंग
प्रत्यक्ष परब्रह्म भानुदासाचे कुळीं एकनाथ म. समाधी अभंग 1
प्रत्यक्ष परब्रह्म भानुदासाचे कुळीं । स्वयें वनमाळी अवतरले ॥१॥
भक्ति मार्ग लोपें अधर्म संचला । कली उदय झाला प्रथम चरण ॥२॥
नानापरी जन वर्ततसें सैरा । न में व्यभिचारा नारी नर ॥३॥
निळा म्हणे इहीं अवतार केले । जग उध्दरिलें महादोषीं ॥४॥
धन्य धन्य एकनाथा । तुमचे एकनाथ म. समाधी अभंग 2
धन्य धन्य एकनाथा । तुमचे चरणी माझा माथा ॥ धृ
१ ॥ दासोपंताचा अभिमान । गेला होताचि दरुशन ॥२॥
दत्तात्रय चोपदार । पुढे उभे काठीकर ॥३॥
यवन अंगावरी थुंकला । प्रसाद देऊनि मुक्त केला ॥४॥
निळा शरण तुमच्या पाया । अनन्य भावे नाथराया ॥५॥
आणिक हे ग्रंथ प्रमाण अष्टोतरशें एकनाथ म. समाधी अभंग 3
आणिक हे ग्रंथ प्रमाण अष्टोतरशें । वदिले स्वरसें गुरुकृपे ॥१॥
रामायण अद्भूत सप्तकांड साचार । तंव प्रयाण विचार आरंभिला ॥२॥
समाधि सुखाचा सोहळा अपार । होतो जयजयकार प्रतिष्ठानी ॥३॥
निळा म्हणे ऐसा ब्रह्मानंद झाला । आनंदी लोटला आनंदचि ॥४॥
पताकांचे भार वैष्णव नाचती एकनाथ म. समाधी अभंग 4
पताकांचे भार वैष्णव नाचती । रामकृष्ण गाती नामावळी ॥१॥
शालीवाहन शके पंधराशे अकरा । विजय संवत्सरा फाल्गुन मास ॥२॥
उत्तम हे तिथी षष्ठी रविवार । प्रयाण साचार दोन प्रहरीं ॥३॥
निळा म्हणे ऐशा नामाच्या गजरी । समाधि गोजिरी प्रतिष्ठानी ॥४॥
आनंदें वैष्णव गाती पैं नाचती एकनाथ म. समाधी अभंग 5
आनंदें वैष्णव गाती पैं नाचती । जयजयकार करिती ऋषीमुनी ॥१॥
विमानांची दाटी पुष्पांचा वरुषाव । स्वर्गीहूनी देव करिताती ॥२॥
स्वयें परब्रह्म करीत सोहळा । सकळ भक्तमेळां प्रतिष्ठान ॥३॥
निळा म्हणे हरि निघालें पंढरी । आनंद भीतरी ब्रह्मादिकां ॥४॥
****॥ विठ्ठल-विठ्ठल ॥*****