ज्ञानेश्वर महाराज सार्थ गाथा अभंग क्र. 43

👉 अभंग अनुक्रमणिका    👉 ग्रंथ सूची पहा.

ज्ञानेश्वर म. सार्थ गाथा, उपासना काण्ड.  प्रकरण :-१ ले, रूपवर्णन अभंग ४३

नवल देखिले कृष्णरूप बिंब । सांवळी स्वयंभ मूर्ति हरीची ॥ मन निवाले समाधान जालें । कृष्णरूपे बोधले मन माझें ॥ बापरखुमादेविवरू सांवळा सर्व घटी । चित्त चैतन्या मिठी घालीत खेवो ॥

अर्थ:-

 त्या सावळ्या कृष्णाची स्वयंभु मूर्ती मी पाहिली व मला त्याचे नवल वाटले. त्या कृष्णरुपाच्या बोधामुळे माझे समाधान झाले व मन शांत झाले. तो रखुमाईचा पती व माझे पिता सर्वांमध्ये चैतन्यरुपाने असुन त्याला मी मिठीत कवळुन घेत आहे. असे माऊली सांगतात.