ज्ञानेश्वर महाराज सार्थ गाथा अभंग क्र.१५४
👉 अभंग अनुक्रमणिका 👉 ग्रंथ सूची पहा.
ज्ञानेश्वर म. सार्थ गाथा, उपासना काण्ड. प्रकरण :-४ रे, नाममाला अभंग १५४
विठ्ठलु नाहीं जये शरीरी । वाया कां गा जन्मले संसारी । विठ्ठलु नाहीं जये नगरीं । तें अरण्य जाणावें ॥ विठ्ठलु नाहीं जये देशीं । स्मशान भूमि ते परियेसी । रवि शशिवीण दिशा जैसी । रसना तैसी विठ्ठलेवीण ॥
विठ्ठलावेगळें जितुकें कर्म । विठ्ठला वेगळा जितुका धर्म । विठ्ठला वेगळे बोलती ब्रह्म । तितुकाही श्रम जाणावा ॥ सच्चिदानंद घन । पंढरिये परिपूर्ण । कर डेवोनियां जघन । वाट पाहे भक्तांची । विठ्ठलेवीण देवो
म्हणती । ते संसार पुढती पावती । विठ्ठलावीण तृप्ती । नाही प्रीती विठ्ठलेंवीण ॥ श्री गुरु निवृत्तीने दिधलें । ते प्रेम कोणे भाग्ये लाधलें । बापरखुमादेवीवर विठ्ठलें । ऐसें केलें ज्ञानदेवा ॥
अर्थ:-
ज्या शरिरी विठ्ठल नाही ते उगाच जन्मले व ज्या नगरात विठ्ठल नाही ते अरण्य समजावे. विठ्ठल नसलेला देश स्मशान आहे तर ज्या जिभेवर विठ्ठल नाही ते चंद्र सुर्याशिवाय दिशा असण्यासारखे आहे.विठ्ठला वेगळे कर्म, धर्म व ब्रह्म म्हणजे वाउगा श्रमच आहे
. ते परिपुर्ण सच्चितानंद धन कमरेवर हात ठेऊन भक्तांचे वाट पाहात आहे. जे विठ्ठल सोडुन इतर दैवते मानतात ते परत संसाराला येतात त्या विठ्ठलावीण प्रिती व तृप्ती ही नाही. हे प्रेम निवृत्तिनाथांकडुन मिळाले व माझे पिता व रखुमाईचे पती असलेल्या विठ्ठलामुळे मला प्राप्त झाले असे माऊली सांगतात.
संत ज्ञानेश्वर महाराज संपूर्ण साहित्य
ईतर लेख, गोसावी-बैरागी-संन्यासी\, ग्रंथाचे प्रश्नोत्तरे, ज्ञानेश्वर म. सार्थ गाथा, ज्ञानेश्वरी पारायण प्रत, प्रश्नोत्तर सूची, वैदिक-हिंदू संस्कृती, संत ज्ञानेश्वर चरित्र, संत ज्ञानेश्वर म. संपूर्ण चरित्र सूची, संत ज्ञानेश्वर संपूर्ण, संत तुकाराम संपूर्ण, संत नामदेव संपूर्ण, संत समाधी अभंग, संत सोपान काका संपूर्ण, सार्थ ज्ञानेश्वरी, सार्थ ज्ञानेश्वरी १८ वा अध्याय, सार्थ ज्ञानेश्वरी अध्याय सूची
संजीवन समाधी व जिवंत समाधी यात काय फरक
