ज्ञानेश्वर महाराज सार्थ गाथा अभंग क्र.196
👉 अभंग अनुक्रमणिका 👉 ग्रंथ सूची पहा.
ज्ञानेश्वर म. सार्थ गाथा, उपासना काण्ड. प्रकरण :-८ वे, उपदेश अभंग १९६ १९६
आलियाचा संतोष गेलियाची हानी । नाही त्या अतिशो वेंचे त्याची कहाणी । ऐसे संकल्प विकल्प देही वरीवरी । मुंडिलिया होईल कायी । तरी बहुरुप्याच्या ठाई काई नटु नसे रया ॥ आधीं भीतरी दंडावा पाठीं बाहीजु मुडांवा । नाहीं तरी योग भांडिवा कां करिसी रया ।
मागितलीया भिक जरी होय निर्दोष । तरी सणिये रजक काय न मागती । देवपणें फुग धरिसील गाढा । तरी वायांवीण मूढा सिंतरलासी ॥ थिगळी घालोनिया गळां । म्हणसी न भिये कळिकाळा । तरी काय कर्मा वेगळा के हो पहासी । योगिया म्हणिजे कैसा ।
भीतरी कास्मिरू जैसा । मीनलिया पदार्थासरिसा होऊनि मिळे ॥ हदय नाही जालेपण क्रोधे भवंडिसी लोचन । अंगी भस्मउधळण राख राखिल काई । खरू लोळे उकरडां काय परत्राचिया चाडां । तैसा मठ बांधोनि मूढा । वर्म चुकलासी ॥ तीर्थ व्रत जपस्नान ।
वाउगें करिसी ध्यान । ऐसें करितां आने आन मार्ग चुकलासी । शुद्ध करूनियां मन सेवीं निवृत्तीचे चरण । विठ्ठल विठ्ठल म्हण नाहीं तरी नाडलासी ॥
अर्थ:-
मिळाले तर संतोष व गेले तर हानी वाटते. नाही त्याची हाव व खर्च केल्याच्या कहाण्या ऐकवुन असे संकल्प विकल्प मनात बाळगुन वरवर मुंडण केले तर ते नट व बहुरुप्याने काढलेल्या सोंगा सारखे आहे. पहिले अंतरातील वासना दंडाव्या व मग बाहेर मुंडण करावे तसे केले नाही तर संन्यासाश्रमाची विटंबना होईल. भिक मागुन निर्दोष होता येते तर सणादिवशी भिक मागणारे परिट निर्दोष झाले नसते का?
संन्यास वस्त्रामुळे लोकांनी केलेल्या पूजेमुळे जर फुगुन गेलास तर उगाच फसशील. गळ्यात कफनी घालुन म्हणशील मी कळिकाळाला भित नाही. तरी मागिल संचित कर्मे कुठे जाळशील. तो योगी स्पटिका सारखाआतबाहेर स्वच्छ असतो. व ज्या पदार्थात मिळेल त्याच्या सारखा दिसतो. त्या स्पटिका सारखा आत मध्ये न होता जर डोळे वटारशील. तेंव्हा ती अंगावर लावलेली राख तुझे रक्षण करिल काय?
गाढव उकिरड्यावर काय दुसऱ्याच्या इच्छेने लोळते का? मठ बांधुन त्या मठात अडकल्याने वर्म चुकलास. वाऊगेपणे तीर्थ, व्रत व तप केलेस तर नक्कीच मार्ग चुकशील. श्री गुरु निवृत्तिनाथ चरणांचा आश्रय करुन सतत विठ्ठल नामात रत राहिला नाही तर संसाराकडुन नाडला जाशील असे माऊली सांगतात.
संत ज्ञानेश्वर महाराज संपूर्ण साहित्य
ईतर लेख, गोसावी-बैरागी-संन्यासी\, ग्रंथाचे प्रश्नोत्तरे, ज्ञानेश्वर म. सार्थ गाथा, ज्ञानेश्वरी पारायण प्रत, प्रश्नोत्तर सूची, वैदिक-हिंदू संस्कृती, संत ज्ञानेश्वर चरित्र, संत ज्ञानेश्वर म. संपूर्ण चरित्र सूची, संत ज्ञानेश्वर संपूर्ण, संत तुकाराम संपूर्ण, संत नामदेव संपूर्ण, संत समाधी अभंग, संत सोपान काका संपूर्ण, सार्थ ज्ञानेश्वरी, सार्थ ज्ञानेश्वरी १८ वा अध्याय, सार्थ ज्ञानेश्वरी अध्याय सूची
संजीवन समाधी व जिवंत समाधी यात काय फरक
