पक्षी स्वप्नाचे फळ स्वप्नशास्र भाग ९
स्वप्न सूची पहा
संकलन :- अशोककाका कुलकर्णी
भाग ९
पक्ष्यासंबंधी
- चिमणी, मैना यांना स्वप्नामध्ये पाहणे चांगले. आणि त्या एकमेकांस मारहाण करीत असताना पाहिले तर दु:खप्राप्त होईल.
- त्या उडत असताना पाहिले तर चांगले.
- दाणे वेचीत असताना पाहिले तर उद्योगवृद्धी.
- कबुतर स्वप्नात पाहणे वाईट. शोकप्राप्त होईल.
- कोकिळा पाहिली किंवा तिचे गायन ऐकिले तर ज्या स्त्रीची इच्छा असेल ती स्त्री फार श्रमाने प्राप्त होईल.
- बायकांनी जर हेच स्वप्न पाहिले तर आपल्या नव-याने इतर स्त्रीपर नजर ठेविली आहे असे जाणावे.
- कावळ्याला स्वप्नामध्ये पाहिल्यास व्यापारहानी होईल.
- कावळा उडत असताना पाहिले तर वाईट.
- कावळा ओरडल्याचे ऐकले तर नाश.
- आपल्या डोक्यावरून कावळा उडाल्याचे स्वप्न पडले तर गंडांतर आहे असे समजावे.
- कावळ्याचे मैथून स्वप्नात पाहिले तर धान्यलाभ.
- घारीला पाहणे दु:खकारक.
- मोराला स्वप्नात पाहिले तर विशेष धनप्राप्ती आणि संतानवृद्धी.
- अविवाहित मनुष्याने पाहिले तर लवकरच विवाह होऊन सासूकडून द्रव्यलाभ होईल असे जाणावे.
- स्त्रीला जर हेच स्वप्न पडले तर यात्रा घडेल व पुराण कीर्तन इत्यादी ऐकण्याचा लाभ होईल.
- राजहंस स्वप्नामध्ये पाहणे शुभ. शेतक-यांना धान्य लाभ.
- प्रवाशांना हेच स्वप्न पडल्यास आपण मेलो अशी स्वदेशामध्ये प्रसिद्धी होईल. व इतरांना दूरदेशी प्रयाण होऊन जिवाला सौख्य मिळेल व कीर्ती वाढेल असे समजावे.
- भारद्वाज पक्षी पाहिला तर धनलाभ व यश.
- चक्रवाक किंवा चातक पक्षी पाहिला तर किंवा त्याचा शब्द ऐकिला तर महदैश्वर्य प्राप्त होईल.
- गिधाडाला पाहिले तर चोरभय.
- गरूड पक्षी पाहिला तर कार्यसिद्धी.
- घुबड किंवा वाघुळ पाहिले तर धनहानी,
- स्वप्नात बगळा (बाळभोक) कोंबडी आणि क्रौंच पक्षीण यास पाहिले असता स्त्रीप्राप्ती.
- स्वप्नात पोपटपक्षी पाहिला तर भोजनलाभ.
- पक्षी उडतात असे पाहिले तर श्रीमंताना दारिद्र्यता व दरिद्री यांना धनप्राप्ती.
- पिंज-यातून पक्ष्याला बाहेर काढल्यासारखे स्वप्न पडले तर कार्यसिद्धी व व्यापा-यांना लाभ. शेतक-याना धान्यलाभ.
- पक्ष्याला आपण अन्य कोणत्याही प्रकाराने धरले असे स्वप्नात पाहिले तर भाग्य, ऐश्वर्य ही प्राप्त होतील.
- पक्ष्यांचा घरटा अकस्मात् सापडून त्यात पिले अगर अंडी आहेत किंवा नाहीत असे नजरेने पाहिल्यासारखे स्वप्न पडेल तर शुभ.
- पक्ष्यांचा घरटा शोधण्याकरता पळत जाणे आणि तो सापडणे, व त्यात पिले किंवा अंडी नसणे, असे पाहिल्यास आपण ज्या लाभाकरिता झटतो तो सफल होणार नाही.
- अंडी असलेले घरटे पाहिले तर धनलाभ.
- आपल्या परसात किंवा घरच्या कवलाराला अंडीसुद्धा असलेले घरटे सापडले आणि ते आपण काढून टाकले असे स्वप्न पडले तर दारिद्र्यता.
- उडता येत नाही अशा पक्ष्याचे घरटे स्वप्नामध्ये पाहिले तर तंटे-बखेडे उत्पन्न होऊन अपजय होईल.
- स्वप्नामध्ये अंडे वजनाने अगदी हलके वाटले तर हातामध्ये धरलेले सर्व पदार्थ सोने होईल.
- स्वप्नात अंडी खाल्यासारखे वाटले तर दारिद्र्य प्राप्त होईल.
[…] भाग ७पशु स्वप्न फळ स्वप्नशास्र भाग ८पक्षी स्वप्नाचे फळ स्वप्नशास्र भाग ९धातु-अलंकार स्वप्न फळ स्वप्नशास्र […]