पशु वनचर,भूचर स्वप्नाचे फळ स्वप्नशास्र भाग ८
स्वप्न सूची पहा
संकलन :- अशोककाका कुलकर्णी
भाग ८
पशूसंबंधी स्वप्ने
- स्‍वप्‍नामध्‍ये हत्ती पाहणे चांगले. याच्‍या योगाने चिंतिले कार्य सिद्ध होईल.
- हत्तीवर बसल्‍यासारखे स्वप्न पडले तर विद्वान व सर्वमान्‍य मुले होतील.
- उंटाला स्‍वप्‍नामध्‍ये पाहिले तर जलप्रवास व भूमिपर्यटण पुष्‍कळ होऊन त्‍यामुळे जिवाला त्रास होईल. व ती दु:खे न जुमानिता भोगिली तर आरोग्‍य व धन प्राप्‍त होईल घरी लवकर येणे होईल.
- उंटावर बसलो आहो असे स्वप्न पाहिले तर व्‍याधी होईल.
- घोड्याला स्‍वप्‍नामध्‍ये पाहणे चांगले. यात्रा घडेल व स्‍नेही मनुष्य भेटेल.
- घोड्यावर बसल्‍यासारखे स्वप्न पडले तर बायकोपासून किंवा मित्रांपासून द्रव्‍यलाभ व दूरदेशी गमन होऊन तेथे सौख्‍यप्राप्‍ती.
- घोड्यावरून पडलो अस स्वप्न पडले तर थोडक्‍याच कालात दु:खे उद्भवतील.
- गाढव पाहिले असता कष्‍ट, गाढवावर बसलो आहो, अगर गाढव जुंपलेल्‍या रथात बसलो आहो, असे पाहणे मृत्‍युकारक किंवा भयंकर व्‍याधी होईल असे समजावे.
- आपण गाढवाला मारीत आहो असे स्वप्न पडले तर आपली दु:ख निवारण होतील.
- गाढव न डगमगता ओझी वाहून नेत आहे असे पाहिले तर संकटे दूर होतील. शिवाय स्थिरतेने द्रव्‍यलाभही होईल.
- गाढव आपले मागे येत आहे असे पाहणे वाईट.
- स्वप्नात बैल पाहणे चांगले.
- बैलावर बसलो आहो असे जो पाहतो त्‍याला धनलाभ होतो.
- बैलाने हरत-हेने आपणास मारले किंवा तुडविले असे पाहून जो जागा होतो, त्‍याला लोक अधिकारहीन करण्‍याचा प्रयत्‍न करितात असे समजावे.
- बैल आपल्‍या पाठीस लागला आहे असे जर पुरूषाला स्वप्न पडले तर आपला नाश करण्‍याचा कोणी दीर्घ प्रयत्‍न करीत आहे असे समजावे.
- हेच स्वप्न बायकांनी पाहिले तर आपल्‍या वरचे नव-याचे प्रेम कमी झाले असे समजावे.
- गाईला पाहणे चांगले. त्‍यात पांढ-या गाईला पाहणे फारच चांगले.
- गाईचे दूध आपण काढतो आहो किंवा दुसरा कोणी काढीत असताना पाहिले तर तंटे-भांडणे होतील.
- म्‍हशी व रेडे स्‍वप्‍नामध्‍ये पाहणे वाईट. त्‍यांच्‍यावर आपण बसलो आहो असे पाहिले तर मृत्‍यु जवळ आहे असे समजावे.
- पशूंचा समुदाय येत आहे असे जर पुरूषांनी स्वप्न पाहिले तर ते अपकीर्तीस पात्र होतात. व बायकांनी पाहिले तर आपल्‍या पतीला दुसरी स्त्री मोहित करिते आहे असे समजावे.
- एखाद्या किरव्‍यागार रानामध्‍ये गुरांचा समुदाय चरत असलेला स्‍वप्‍नामध्‍ये दृष्‍टीस पडेल तर चांगले.
- गुराख्‍याने आपण गुरे हाकून नेतो आहे असे पाहिले तर नाश. इतर लोकांना स्‍वधंद्यात द्रव्‍यलाभ.
- शेळीला आणि बक-याला स्वप्नात पाहिले तर धान्‍यसमृद्धी, पण मुले अल्‍पयुषी जन्‍मतील,
- मांजराला स्‍वप्‍नामध्‍ये पाहिले तर वाईट, तो परनिंदेस पात्र होईल.
- मांजरे आपले घरामध्‍ये फिरत आहेत असे पाहिले तर मित्रबांधवापैकी कोणी द्रव्‍य चोरून आपला नाश करतील असे समजावे.
- मांजर उंदराला धरीत आहे असे पाहणे चांगले.
- मांजराला आपण ठार मारल्‍यासारखे किंवा बांधल्‍यासारखे स्वप्न पडले तर आपले घरामध्‍ये चोर पकडला जाऊन कारागृहात पाठविला जाईल.
- बायकांनी मांजरे पाहिली तर नव-यापासून अपमान होईल.
- कुत्र्याला पाहणे चांगले.
- कुत्रा आपले जवळ येतो असे स्वप्न पाहिले तर जीवश्‍च कंठश्‍च असे नवे स्‍नेही होतील.
- कुत्रा आपल्‍याबरोबर फिरत आहे असे पाहिले तर आपल्‍याला संकटांतून सोडविणार स्‍नेही आहेत. असे समजावे.
- कुत्रा आपल्‍यास पाहून भुंकत आहे किंवा आपल्‍यास चावत आहे असे पाहिले तर प्रियकर मित्रामध्‍ये देखील शत्रुत्‍व होईल असे समजावे.
- कोल्‍ही स्वप्नात पाहणे नाशकारक.
- माकड पाहिले तर कलह होईल.
- माकड आपल्‍याला ओरबडतो आहे असे पाहिले तर धननाश. ते आपले घरामध्‍ये आलेले पाहिले तर विश्‍वासघात करावा अशा हेतूने एक मनुष्य आपले घरात शिरेल असे समजावे.
- श्रीमारूतीला स्वप्नात पाहिले तर जय.
- बाली, सुग्रीवाला पाहिले तर प्रिय दर्शन.
- वाघ, सिंह, लांडगा, अस्‍वल, बिवटा इ. घातक पशूंना स्वप्नात पाहिले तर थोर मनुष्‍याशी द्वेष होईल. आणि ती चावल्‍यासारखी स्वप्न पडले तर विपत्तिकारक व त्‍यांना ठार मारल्‍यासारखे वाटले तर जय.
- स्वप्नात हरण पाहणे चांगले,
- हरणाची पारध करीत असताना पाहिले तर वाईट.
- अन्‍य पशू सौम्‍य पाहिले तर सौख्‍यकारक व क्रूर पशू पाहिले तर दु:खकारक.
स्वप्न सूची पहा
संकलन :- अशोककाका कुलकर्णी
स्वप्न शास्त्र भाग १ ते १२ पहा
अशौच सुतक विटाळ, आत्म्याचा प्रवास सूची, ग्रंथाचे प्रश्नोत्तरे, धर्म मार्ग, धार्मिक, नारी, स्त्री, स्त्रिया महात्म्य संपूर्ण, पाप कर्म कोणते, पितृकार्य, पौराणिक, प्रश्नोत्तर सूची, भगवान शंकर, भजनी मालिका, भागवत महापुराण सर्व, मृत्यूनंतर पुढे काय ?, वाचावे असे संपूर्ण सूची, वैदिक-हिंदू संस्कृती, शास्त्र असे सांगते, स्त्रियांची-लक्षणे, स्वप्न शास्त्र
आत्म्याचा प्रवास, मृत्यूनंतर पुढे काय ? सर्व भाग सूची
[…] ६जीव-जंतु स्वप्न फळ स्वप्नशास्र भाग ७पशु स्वप्न फळ स्वप्नशास्र भाग ८पक्षी स्वप्नाचे फळ स्वप्नशास्र भाग […]