ज्ञानेश्वर महाराज सार्थ गाथा अभंग क्र. 883
👉 अभंग अनुक्रमणिका 👉 ग्रंथ सूची पहा.
ज्ञानेश्वर म. सार्थ गाथा,ज्ञानकाण्ड.
प्रकरण :-१४ वे, रूपके विरहिणी अभंग ८८३
निरंजन वना गेलिये साजणी ।
तेथें निर्गुणे माझ्या मनी वेधियेलें ॥१॥
सुखाची अति प्रीति जहाली गे ब्रह्मीं ।
श्रीगुरूनिवृत्ति मुनी जाहलें गे माय ॥२॥
बापरखुमादेविवरू विठ्ठलु सहज सांवळा ।
निर्गुण दाविला विसुरा गे माये ॥३॥
अर्थ:-
मी निरंजन वनामध्ये गेलें. तो तेथे त्या निर्गुणाने माझे मन वेधून टाकले. त्या परब्रह्मस्वरूप श्रीकृष्णाच्या ठिकाणी फार प्रेम जडले आणि तो परमात्मा श्रीगुरू निवृत्तीमुनी, मीच होऊन बसले. माझे पिता व रखुमादेवीचे पती जे श्रीविठ्ठल तो मला सहज प्राप्त झाला. आणि चमत्कार काय सांगावा तो निर्गुण मला दाखविले असे माऊली सांगतात.