ज्ञानेश्वर महाराज सार्थ गाथा अभंग क्र.664
👉 अभंग अनुक्रमणिका 👉 ग्रंथ सूची पहा.
ज्ञानेश्वर म. सार्थ गाथा,ज्ञानकाण्ड.
प्रकरण :-४थे, ज्ञानासंबंधी उद्गार अभंग ६६४
योगियां दुर्लभ तो म्यां देखिला साजणी । पाहता पाहता मना न पुरे धणी । । १ । ।देखिला देखिला मायें देवांचा देवो । फिटला संदेहो निमालें दुजेंपण । । २ । ।अनंतरुपें अनंतवेषें देखिलें मी त्यासी । बाखरखुमादेवीवरु खूण बाणली कैसी । । ३ ।
अर्थ:-
योगिजनांना दुर्मिळ असे पांडुरंगाचे दर्शन मला झाले आणि ते किती पाहिले तरीही मनाची तृप्तता होत नाही. हा देवांचा देव विठ्ठल मी पाहिला आणि मनातील सर्व संदेह संपले व मी माझे मन इतके त्याच्या ठिकाणी तद्रूप झाले की काही द्वैत उरलें नाही. पांडुरंगाची अनंत वेषातील अनंत रुपें मी पाहिली आणि तल्लीनतेने मनोमन एकात्म रुपाची खुणगाठ पटली.
