भारतीय शिक्षण

धनुर्विद्या, मल्लविद्या।
आयुर्वेद आणि शस्त्रास्त्रविद्या।
उत्तमोत्तम चौदा विद्या।
शिकवित होते आचार्य।।

चित्रकला, चर्मकला।
रांगोळी यांचीहि उत्तम कला।
बुरडकाम, कुंभारकामादि सकला।
चौंसष्ट कला नानापरी।।

संगीतशास्त्र, स्वयंपाकशास्त्र।
गृहस्थापनेचे सुंदर तंत्र।
अश्वपरिक्षा, रत्नपरीक्षादि समग्र।
जीवनविद्या शिक्षणी।।

मुलांना शिकवाव्या नाना कला।
चापल्य ध्येयनिष्ठादि सकला।
गावची सांभाळू शकेल आपुला।
ऐसे द्यावे शिक्षण।।

राष्ट्रसंत तुकडोजी महाराज – ग्रामगीता