नंबर प्रमाणे सूची <-:-> आद्याक्षर सूची

संत तुकाराम सार्थ अभंग गाथा
Sant Tukaram Maharaj Complete Sartha Gatha Abhang
संत तुकाराम महाराज सार्थ अभंग

अभंग क्र. २०८४
दुर्बळाचे हाती सापडले धन । करिता जतन नये त्यासी ॥१॥
तैसी परी मज झाली नारायणा । योगक्षेम जाणा तुम्ही आता ॥धृपद॥
खाता लेता नये मिरविता वरी । राजा दंड करी जनराग ॥२॥
तुका म्हणे मग तळमळ उरे । देखिले ते झुरे पाहावया ॥३॥

अर्थ

दुर्बल मनुष्याच्या हातात जर धन सापडले तर त्या धनाचे रक्षण त्याला करता येत नाही. अगदी त्याप्रमाणे माझी परिस्थिती झाली आहे हे नारायणा आता माझा योगक्षेम तुम्हीच जाणून घ्यावा. मला आजपर्यंत जे मिळाले नाही ते मिळवे आणि त्याचे रक्षण करण्याचे ही तुम्हीच मनात आणावे आहो देवा एकद्या दुर्बळ मनुष्याच्या हाती जर धन सापडले तर त्याला त्याचा सदउपयोग करता येत नाही, त्याला त्यापासून चांगले सुग्र असे जेवण आणून खाता येत नाही, अंगावरती अलंकार परिधान करता येत नाही, चांगल्या प्रकारचे वस्र नेसता येत नाही कारण जर तो अलंकार वस्त्रे परिधान करून त्याचा बडेजाव दाखवायला लागला तर याच्या कडे एवढी संपत्ती आली कुठून म्हणजे याने चोरीच केली असणार म्हणून राजा त्याला दंड करतो आणि त्याला अचानक एवढी श्रीमंती लाभली म्हणून सामान्य जणमाणसे त्याचा राग द्वेष मत्सर धरतात. तुकाराम महाराज म्हणतात दुर्बळ मनुष्याच्या हाती शेवटी केवळ तळमळच उरते कारण आपल्याला आत्ता जे धन मिळाले आहे ते जर कोणी लुबाडून नेले तर ते धन आपल्याला पुन्हा कधी पाहायला मिळेल किंवा नाही याविषयी तो झुरत असतो.

नंबर प्रमाणे सूची <-:-> आद्याक्षर सूची

वारकरी रोजनिशी
वारकरी अभंग भजनी मालिका
धनंजय महाराज मोरे
सार्थ तुकाराम गाथा
संत तुकाराम अभंग गाथा
तुकाराम महाराज सार्थ अभंग गाथा
तुकाराम गाथा सार्थ
तुकाराम महाराज गाथा सार्थ
सार्थ गाथा.

WARKARI ROJNISHI
http://www.warkarirojnishi.in/
https://96kulimaratha.com/
DHANANJAY MAHARAJ MORE
96 kuli maratha
SARTHA TUKARAM GATHA
SANT TUKARAM ABHANG SARTHA GATHA
SARTHA ABHANG GATHA
TUKARAM MAHARAJ SARTHA GATHA
ABHANG SARTHA GATHA
SANT TUKARAM SARTHA GATHA
TUKARAM GATHA
SARTHA GATHA