मी माझे कल्पनेने जा
88.
मी माझे कल्पनेने जाहलोंसे पांगुळ । चालता न चलवेंचि कोठे नमिळे स्थळ ।
हिंडतो दिशा दाही श्रम जाहला केवळ । कवण ही भ्रांती वारी कै भेटेल गुरुदयाळ ॥१॥
धर्म जागो गुरु महिमा देही दाविला देव । निवारुनी भवर जाळे अवघा निरसला भेव ॥२॥
कर्म त्या अकर्माच्या लागती वाटे ठेंसा । संपत्ती विपत्तीचा मानिला भरवसा ।
कन्या पुत्र आप्त जन हा तो सहज वोळसा । या भ्रम डोही बुडालो धांवे गुरुराया सर्वशा ॥३॥
येऊनि गरुनाथे माथा ठेविला करु । अज्ञान तिमिर गेले शुध्द मार्ग साचारु ।
गर्जत चालियेलो फिटला अज्ञान अंधारु । एका जनार्दनी माझा श्रीगुरु उदारु ॥४॥