3806.
जो जो जो जो रे रघुनामा । निजबाळा गुणधामा । योगी आलासे विश्रामा । स्वामीदावीन तुम्हा ॥धृ.॥ जोगी दिसतसे विचित्र । त्याला तीन नेत्र । चर्मावेगळे नाही वस्त्र । म्हणवितोतुझा मित्र ॥१॥ अंगी लावुनियां विभुती । अर्धांगीपार्वती । वृषाभारूढ तो पशुपती । त्रिशूळ डमरूहातीं ॥२॥ आणिक नवल दयाळा । कंठ दिसेनिळा । मस्तकी गंगा वाहे झुळझुळा । नेत्रीअग्निज्वाळा ॥३॥ भस्म चर्चुनी सर्वांगी । वेष्टिलाभुजंगीं । भूते मेळवूनियां बहु जगी । आलासेप्रसंगी ॥४॥ जोगी आलासे अंगणी । तुळशीवृंदावनीं । तुजला देखूनियां नयनी । घालीलोटांगणीं ॥५॥ गोकुळी जन्मले निधान । जगदीशतो जाण । त्याचे चरणी शरण । एका जनार्दन ॥६॥