1283.
लावोनि भवभये तुवा केले साचे | देह नव्हे याचे ऐसे केले ॥१॥
सुखभोग सर्व दिला टाकोनिया | नेणे तुझ्या पायांपरते कांही ॥२॥
ऐसे काय केले नामया चाळविले | समूळ बुडविले अपणांमांजी ॥३॥
आम्हा दुरबळांचा करोनिया घात | केला वाताहात घराचार ॥४॥
आता तुजविण कोणाचे साउली | पाळली पोसिली तुझी देवा ॥५॥
संकटी उदरी वाहिली म्या आशा | होता भरंवसा थोर यांचा ॥६॥
तंव तुवा लाविला आपुलिया संवे | नव्हे मज कांही ऐसा केला ॥७॥
काया वाचा माने सांडोनिया मज | अनुसरला तुज मनोभावे ॥८॥
नकळे तुझी माव काय या दाविले | परतेनासे केले चित्त याचे ॥९॥
आता माझा शीण निवारिल कोण | एका तुजविण पांडुरंगा ॥१०॥
गोणाई म्हणे देवा देई जीवदान | सुखाचे निधान नामा माझा ॥११॥