934.
खरे बोले तरी । फुकासाठी जोडे हरी ॥१॥
ऐसे फुकाचे उपाय । सांडूनिया वाया जाय ॥धृपद॥
परउपकार । एका वचनाचा फार ॥२॥
तुका म्हणे मळ । मने सांडिता शीतळ ॥३॥

अर्थ :
मनुष्याने नुसते आयुष्यभर खरे बोलण्याचे व्रत जरी धरण केले तरी या हरीचे फुकट प्राप्ती होते. असे फुकटचे उपाय असून लोक आपले आयुष्य वाया घालवितात. एका सत्य वचनामुळे अनेक पर उपकार होतात. तुकाराम महाराज म्हणतात मनाने जर आतरिक मळ म्हणजे दुष्ट वासनेचा मळ काढून टाकला तरी मन हेशीतल राहते.