935.
दया क्षमा शांति । तेथे देवाची वसति ॥१॥
पावे धावोनिया घरा । राहो धरोनिया थारा ॥धृपद॥
कीर्तनाचे वाटे । बराडिया ऐसा लोटे ॥२॥
तुका म्हणे घडे । पूजा नामे देव जोडे ॥३॥

अर्थ :
जेथे दया क्षमा शांती असते तेथे देवाची वसती असते. जो कीर्तन करतो त्याच्यासाठी जसा दुष्काळात मनुष्य अन्नासाठी धावतो तसा देवा त्याच्याकडे धावत येतो. तुकाराम महाराज म्हणतात देवाचे नुसते नांव जरी घेतले तरी तो आपल्याला प्रत्येक्ष भेटावयास येतो.