933.
का जी धरिले नाम । तुम्ही असोनि निष्काम ॥१॥
कोणा सांगतसा ज्ञान । ठकाठकीचे लक्षण ॥धृपद॥
आवडीने नाचे । आहे तरी पुढे साचे ॥२॥
तुका म्हणे प्रेम । नाही भंगायाचे काम ॥३॥

अर्थ :
आहो देवा, तुम्ही निष्काम आहात नामरहित आहात तर मग तुम्ही नाम का धरण केले ? तुम्ही नामरहित आहत हे ज्ञान तुम्ही कोणाला सांगता ? हे सर्व फसवण्याचे लक्षण आहे. आमच्या पुढे तुमचे खरे रूप आहे व त्याच्याच पुढे आम्ही नाचत आहोत. तुकाराम महाराज म्हणतात तुमच्या या कोरड्या ब्रम्हज्ञान च्या सांगण्याने वर्णनाने आमचा तुमच्या सगुण रुप विषयीचे प्रेम कधी भंगणार नाही.