1317.
चित्ता ऐसी नको देऊ आठवण । जेणे देवाचे चरण अंतरे ते ॥१॥
आलिया वचन रामनामध्वनि । ऐकावी कानी ऐसी गोडी ॥धृपद॥
मत्सराचा ठाव शरीरी नसावा । लाभेंविण जीवा दुःख देतो ॥२॥
तुका म्हणे राहे अंतर शीतळ । शांतीचे ते बळ क्षमा अंगी ॥३॥

अर्थ :
हे मना ज्यामुळे देवाचे चरणा अंतरतील अशा गोष्टीची आठवण तू चित्तामध्ये येऊ देऊ नकोस, माझ्या मुखातून राम नामाचा ध्वनी बाहेर पडावा कानाने देवाचेच संदेश वचने ऐकावी अशाच गोष्टीची आवडत तुला लागू दे. दुसऱ्यांविषयी मत्सर नसावे कारण त्यामुळे लाभ तर काही होत नाही. पण दुःख मात्र होते. तुकाराम महाराज म्हणतात अंतकरण शितल असावे अंतकरणात क्षमा असावी हेच खरे शांतीचे बळ आहे.