1316.
तुम्ही आम्ही भले आता । जालो चिंता काशाची ॥१॥
आपुलाले आलो स्थळी । मौन कळी वाढेना ॥धृपद॥
सहज जे मनी होते । ते उचिते घडले ॥२॥
तुका म्हणे नसते अंगा । येत संगा सारिखे ॥३॥

अर्थ :
देवा तुम्ही स्वामी आणि मी सेवक या नात्याने आप आपल्या परीने चांगले झालो आहो मग आता चिंता आहे तरी कशाची ? देवा तुम्ही स्वामी आहात मी सेवक आहे, आपण दोघेही एकमेकांच्या जागेवर बरोबर आहोत. जर आपण मौन धरले तर आपल्या मध्ये भांडण होण्याचे कारण काय देवा इतके दिवस माझ्या मनात होते की तुमची सेवा करण्याची मला संधी यावे ते जाता उचित प्रकारे घडत आहे. तुकाराम महाराज म्हणतात देवा तुम्ही आमच्याशी योग्य पणाने वागत नव्हते त्यामुळे आमच्या अंगी नसता क्रोध येत होता.