173.
वैष्णव तो एक इतर ती सोंगे । ठसे देउनी अंगे चितारिती ॥1॥
जिचे योनि जन्मला तिसी दंडू लागला । तीर्थरुप केला देशधडी ॥2॥
नाइकोनी ब्रह्मज्ञान जो का दुराचारी । अखंड द्वेष करी सज्जनांचा ॥3॥
विद्येच्या अभिमाने नाइके कीर्तन । पाखांडी हे म्हणे करिती काई ॥4॥
पंचरस पात्रा कांता हे बडविती । उद्धरलो ह्मणती आह्मी संत ॥5॥
कीर्तनाचा द्वेष करी तो चांडाळ । तयाचा विटाळ मातंगीसी ॥6॥
वैष्णव तो एक चोखामेळा महार । जनी म्हणे निर्धार केला संती ॥7॥