183.
धन्य ही यमुना धन्य हे गोकुळ । वृक्षादि सकळ धन्य धन्य ॥१॥
धन्य ह्या गोपिका धन्य हे गोपाळ । पक्षादि सकळ धन्य धन्य ॥२॥
धन्य गोवर्धन धन्य वृंदावन । नंदाचा मंदन क्रीडतसे ॥३॥
धन्य ती यशोदा धन्य तिचा पति । अखंड पाहाती मुख ज्याचे ॥४॥
माया घेवोनिया देव गेला राना । ध्वजवज्रांकुश चिन्हा उमटती ॥५॥
नेत्री अश्रुपात उतरे रथाखाले । गडबडोनी लोळे तयावरी ॥६॥
ब्रह्मादिका दुर्लभ येथील ही माती । घेवोनिया हाती मुखी घाली ॥७॥
नामा ह्मणे पुढे चालिला त्वरित । देखे गडियांत परब्रह्म ॥८॥