182.
अक्रूराचे मनाशी उद्गार

चौदाजणी ज्याच्या चरणाते पूजिती । त्याची घेईन माती आपुल्या शिरी ॥१॥
एकांती अर्चन करिती धूर्जटी । त्यांसी बोलेन गोष्टी आवडीने ॥२॥
सप्तऋषि ज्याचे वर्णिताताती गुण । करीतसे ध्यान ब्रह्मा ज्याचे ॥३॥
चारी वेद ज्याची वर्णिताती कीर्ति । करिताती स्तुति साहीजण ॥४॥
तेहेतीस कोटि देव जयाते पूजिती । श्रुति वर्णिताती गुण ज्याचे ॥५॥
लक्षुमीचा पति ध्याती सनकादिक । पाहीन श्रीमुख एकवेळा ॥६॥
पृथ्वीचा हा भार करावया दूर । ह्मणोनि अवतार वेत असे ॥७॥
नामा ह्मणे आला यमुनेजवळी । उतरला खाली रथाचिया ॥८॥