2744.
घालूनिया कास । बळे आलो मागायास ॥१॥
प्रेमे देई पाठवूनि । पांडुरंगा सेवाॠणी ॥धृपद॥
होई रे शाहाणा । कळो नेदावे या जना ॥२॥
तुका म्हणे पायी । जडलो मग उरले काई ॥३॥

अर्थ :
देवा मी माझे सेवारुपी कर्ज तुमच्याकडेच दिले होते त्याचा मोबदला मागण्यासाठी तुमच्याकडे सर्व ताकद पणाला लावून कंबर कसून आलो आहे. हे पाडूरंगा तू सेवाऋणी आहेस आमच्या सेवेचे तुझ्यावर ऋण आहे त्यामुळे त्याच्या मोबदल्यात आम्हाला तुझे प्रेम पाठवून दयावे. देवा तू लवकर शहाणा हो तू माझा ऋणी आहेस हे लोकांना कळू देऊ नकोस. तुकाराम महाराज म्हणतात, देवा मी तुला कर्ज देऊन देखील मी तुझ्या पायाशी जणू राहिलो आहे आता यापेक्षा मग अजून काय करायचे राहिले आहे.