2827.
वेदान्त प्रतिपाद्य करावा हा धर्म । न करिता अधर्म सहज लागे ॥१॥
मुख्य चारी वर्ण यांचा पै धर्म । न करिता अधर्म सहज लागे ॥२॥
जया जे जे धर्म तया ते ते कर्म । न करिता अधर्म सहज लागे ॥३॥
ब्राह्माणांचा धर्म संध्या षट्‌कर्म । न करिता अधर्म सहज लागे ॥४॥
शरणागताचें रक्षण क्षत्रियांचा धर्म । न करिता अधर्म सहज लागे ॥५॥
वैश्यांचा धर्म वैव्हारिक कर्म । न करिता अधर्म सहज लागे ॥६॥
शूद्रांचा धर्म सर्वभावे पूजन । एका जनार्दन तृप्ती तेणे ॥७॥