1181.
सकळ देवाचे दैवत । उभे असे या रंगात ॥१॥
रंगा लुटा माझे बाप । शुद्ध भाव खरे माप ॥धृपद॥
रंग लुटिला बहुती । शुक नारदादि संती ॥२॥
तुका लुटिताहे रंग । साह्य जाला पांडुरंग ॥३॥

अर्थ :
सर्व दैवताचे दैवत जो हा विठ्ठल तो कीर्तन व भजन याच्या रंगांमध्ये उभा आहे. हे माझे बाप हो तुम्ही शुद्ध भक्तीचे माप घेऊन कीर्तन आणि भजनाचा रंग लुटा. शुक, नारद आणि पुष्कळ संतांनी हा रंग लुटला आहे. तुकाराम महाराज म्हणतात मी हा रंग लुटत होतो त्या वेळेला पांडुरंग मला साह्य झाला आहे.