1180.
नये वाटू मन । काही न देखावे ते भिन्न ॥१॥
पाय विठोबाचे चित्ती । असो द्यावी दिवसराती ॥धृपद॥
नये काकुळती । कोणा यावे हरीभक्ती ॥२॥
तुका म्हणे साई । करील कृपेची विठाई ॥३॥

अर्थ :
साधकाने पंचवीषयाकडे मन पागु देऊ नये आणि प्राणी मात्रा मध्ये भूतमात्र मध्ये केव्हाही भेद करू नये. आपल्या चित्तामध्ये रात्रंदिवस विठोबाचे चरण असू द्यावे. भक्ताने हरी शिवाय इतर कोणालाही शरण जाऊ नये इतर कोणालाही काहीच मागू नये. तुकाराम महाराज म्हणतात असे जर हरिभक्त वागू लागले तर मग विठाबाई माऊली त्याच्यावर कृपेची सावली करेल.