312.
करा नारायणा । माझ्या दुःखाची खंडणा ॥१॥
वृत्ति राखा पायांपाशी । वस्ती धरूनि मानसी ॥धृपद॥
पाळोनिया लळा । आता पाववावे फळा ॥२॥
तुका म्हणे दीन । त्यांचा हरतिया सीण ॥३॥

अर्थ :
हे नारायणा माझ्या दुःखाचे तुम्ही खंडण करा. माझी वृत्ती तुमच्या चरणांजवळ राहू द्या आणि तुम्ही माझ्या मनात तुम्ही वस्ती करा माझ्या चित्ता रहा. मला हे फळ मिळवून द्या आणि एवढा माझा लाड तुम्ही पुर्ण करा. तुकाराम महाराज म्हणतात देवा तुम्ही दिन लोकांचे दुःख दूर करा.