313.
दोष पळती कीर्तने । तुझ्या नामे संकीर्तने ॥१॥
हे का करू आदरिले । खोटे वचन आपुले ॥धृपद॥
तुम्ही पापा भीता । आम्हा उपजावया चिंता ॥२॥
तुका म्हणे सेवा । कळीकाळा जिंकी देवा ॥३॥

अर्थ :
तुझ्या नामसंकीर्तनाने सर्व दोष पळतात. देवा हे वचन खोटे तर नाही ना ? आमच्या हातून काही पाप होवू नये याची भीती तुम्हाला वाटते तर आम्हाला जन्माला येण्याची भीती वाटते. तुकाराम महाराज म्हणतात तुमचे नामसंकीर्तन केल्याने भक्ताला कळीकाळाची भीती नसते त्यामुळे मी तुमचे नामस्मरण कायम करत असतो.