1623.
देव जाणता देव जाणता । आपुलिया सत्ता एकाएकी ॥१॥
देव चतुर देव चतुर । जाणोनी अंतर वर्ततसे ॥धृपद॥
देव निराळा देव निराळा । अलिप्त विटाळ तुका म्हणे ॥२॥

अर्थ :
देव सर्वज्ञ आहे आणि तो त्याच्या सत्तेने सर्वत्र व्यापलेला आहे. तो फार चतुर आहे फार चतुर आहे तो सर्वाचे अंतकरण जाणूण भक्ताच्या अंतकरणात वास करत असतो. तुकाराम महाराज म्हणतात देव सर्वापासून निराळा आहे आणि त्याच्या ठिकाणी कोणताही विटाळा नाही तो विटाळा पासून अलिप्त आहे.