1624.
माझ्या मुखे मज बोलवितो हरी । सकळांच्या अंतरी नारायण ॥१॥
न करावा द्वेष भूतांचा मत्सर । हा तव विचार जाणो आम्ही ॥२॥
तुका म्हणे दोष नाही या विचारे । हिताची उत्तरे शिकविता ॥३॥

अर्थ :
जो नारायण सर्वाच्या अंतकरणात वास करतो तोच नारायण मला बोलवितो आहे. कोणत्याही प्राणी मात्रांचा द्वेष करू नये कारण सर्व प्राण्यांमध्ये हरी वास्तव्य करतो आहे हे मी जाणतो. तुकाराम महाराज म्हणतात आम्ही हिताचा उपदेश करताना जर कठोर शब्दांमध्ये बोलत असलो तरी तो उपदेश द्वेष किंवा मत्सर या भावनेने नसून तो त्यांच्या उद्धारासाठी आहे त्यामुळे आम्ही जरी बोललो तरी त्याचा कोणताच दोष आम्हाला लागत नाही.