604.
तुम्हा होईल देवा पडिला विसर । आह्मी ते उत्तर यत्न केले ॥१॥
पतितपावन ब्रीदे मिरविसी । याचा काय देसी झाडा सांग ॥धृपद॥
आहाच मी नव्हे अर्थाचे भुकेले । भलत्या एका बोले वारेन ते ॥२॥
तुका म्हणे देह देईन सांडणे । सहित अभिमाने ओवाळूनि ॥३॥

अर्थ :
आहो देवा तुम्हाला आमचा विसर पडेल त्यामुळे आम्ही सारखे तुमच्या दारी येऊन तुमच्याशी बोलण्याचा प्रयत्न करत आहोत. तुम्ही या कडे लक्ष द्यावा पतीताला तुम्ही पावन करता असे तुम्हाला ब्रीद आहे. ती जबाबदारी तुम्ही का घेत नाही ते सांगा ? मी द्रव्य अथवा अर्थाला भुकेला नाही, तेव्हा मला भलत्या थापा मारून मी कशालाही फसणार नाही. तुकाराम महाराज म्हणतात देवा मी माझा देह अभिमान सहित तुम्हा वरून ओवाळून टाकेल.