134.
इंद्रगर्वपरिहार

इंद्राचा विभाग भक्षी चक्रपाणी । रूप गोवर्धना धरू-निया ॥१॥
क्रोधावला इंद्र गौळिया निंदीत । दावीन सामर्थ्य तुम्हा आता ॥२॥
पोरांच्या बुद्धीने वर्तताती सर्व । धरूनिया गर्व तेची करी ॥३॥
प्रलय मेघाच्या काढिल्या श्रृंखला । वर्षावे गोकुळा जा-ऊनिया ॥४॥
आज्ञा म्हणोनिया वंदियेला इंद्र । कोपे जैसा रुद्र प्रलयींचा ॥५॥
मुसळाच्या धारा मेघ वर्षताती । गारा पडताती शिळा ऐशा ॥६॥
मरताती पक्षी श्वापदे अपार । हिंवे नारीनर कांपताती ॥७॥
नामा म्हणे गायी हंबरडा ह्मणीती । येऊनी पडती कृष्णापुढे ॥८॥