157.
ऐका रे जना तुझ्या स्वहिताच्या खुणा । पंढरीचा राणा मनामाजी स्मरावा ॥१॥
मग कैंचे रे बंधन वाचे गाता नारायण । भवसिंधु तो जाण येचि तीरी सरेल ॥२॥
दास्य करील कळिकाळ बंध तुटेल मायाजाळ । होतील सकळ रिद्धिसिद्धि म्हणियार्‍या ॥३॥
सकळ शास्त्रांचे सार हे वेदांचे गव्हर । पाहाता विचार हाचि करिती पुराणे ॥४॥
ब्राम्हण क्षत्रिय वैश्य -शूद्र चांडाळाही अधिकार । बाळे नारीनर आंदिकरोनि वेश्याही ॥५॥
तुका म्हणे अनुभवे आम्ही पाडियले ठावे । आणीकही दैवे सुख घेती भाविके ॥६॥