3745.
(काला)
धन्य ते गोधने कांबळी काष्ठिका । मोहरी पावा निका ब्रीद वांकी ॥१॥
धन्य ते गोकुळ धन्य ते गोपाळ । नर नारी सकळ धन्य झाल्या ॥धृपद॥
धन्य ते देवकी जसवंती दोहीचे । वसुदेवनंदाचे भाग्य झाले ॥२॥
धन्य त्या गोपिका सोळा सहस्र बाळा । यादवा सकळा धन्य झाले ॥३॥
धन्य म्हणे तुका जन्मा तींचि आली । हरीरंगी रंगली सर्वभावे ॥४॥

अर्थ :
श्रीकृष्णच्या स्पर्शाने पानव झालेले गोकुळातील गोधन, कांबळि, काठ्या, पावा, वाक्या खरेच धन्य होत. गोकुळातील नर-नारी, गोपाल धन्य होत, सारे गोकुळच धन्य होत. देवकी, यशोदा या दोघी धन्य आहेत. वासुदेव, नंद हे सर्वात भाग्यवान आहेत. त्या साऱ्या गोपीका, रुक्मिणी, सोळा हाजार एकशे आठ नारी आणि सर्व यादव धन्य आहेत. तुकाराम महाराज म्हणतात, श्रीहरिच्या रंगात रंगून गेलेली ती सारी माणसे मनुष्यजन्माला येवून धन्य झाली.