3746.
गौळणी बांधिती धारणासि गळा । खेळे त्या गोपाळांमाजी ब्रम्ह ॥१॥
धावोनिया मागे यशोदे भोजन । हिंडे रानोरान गाईपाठी ॥धृपद॥
तुका म्हणे सर्व कळा ज्याचे अंगी । भोळेपणालागी भीक मागे ॥२॥

अर्थ :
गौळणींनी गळ्यात बांधलेले ते सगुन, सुकुमार ब्रम्ह गोपाळांमध्ये खेळत होते. यशोदे मातेच्या मागे धावत जावून जेवायला मागत होते आणि गाईंच्या मागे रानोमाळ हिंडत होते. तुकाराम महाराज म्हणतात, कृष्णच्या आंगी सर्व कला होत्या, परंतु भोळेपनाचे ढोंग आणून तो भिक्षा मागत होता.