514.
दीप न देखे अंधारा । आता जतन हेचि करा ॥१॥
नारायण नारायण । गाठी धन बळकट ॥धृपद॥
चिंतामणीपाशी चिंता । तत्वता ही न येल ॥२॥
तुका म्हणे उभयलोकी । हेचि निकी सामग्री ॥३॥

अर्थ :
दिवा जसा अंधारला कधी पाहू शकत नाही, त्या प्रमाणे नारायणरुपी प्रेमाचादिवा हाती घेतला तर संसारातील दुःख दिसू शकणार नाहि. यासाठी भक्ती प्रेमाचे धन जतन करून ठेवा. नारायणरुपी नामाचे अनमोल धन आपल्या गाठींशी बांधून ठेवा. चिंतामणी आपल्या जवळ असेल, तर कोणत्याही चिंता शिल्लक राहत नाही. तुकाराम महाराज म्हणतात उभय लोकात हरीचे प्रेम हीच एक सर्व श्रेष्ठ सामग्री आहे.