894.
जानकीची शुद्धी करावया गेला | हनुमंत उडाला जेथुनिया ॥१॥
आनंदभरित चालतसे मार्ग | हृदयी अनुराग आवडीचा ॥२॥
ते स्थान वंदुनी पावला गोकर्ण | हाटकेश्वरी स्नान करुनिया ॥३॥
आला कोल्हापुरा लक्षुमी दरूषणा | पंचगंगे स्नान करुनिया ॥४॥
प्रीतीचा संगम देखिला कऱ्हाटकी | थोर जाला सुखी अंतरीचा ॥५॥
कृष्णेचिया स्नाने कृतकृत्य जाला | माहुली देखिला संगम डोळा ॥६॥
आला आळकावंती हर्षयुक्त चित्ती | दिधले सिदोपंती आलिंगन ॥७॥
विठ्ठल अंतरी मातापिता पाहावी | आज्ञा म्हणे द्यावी सिदोपंता ॥८॥