2115.
वेचावे ते जीवे । पूजा घडे ऐशा नावे ॥१॥
बिगारीची ते बिगारी । साक्षी अंतरीचा हरी ॥धृपद॥
फळ बीजाऐसे । कार्यकारणासरिसे ॥२॥
तुका म्हणे मान । लवणासारिखे लवण ॥३॥

अर्थ :
देवाला जिव अर्पण करावा हीच खरी देवपूजा आहे. यावाचून सर्व क्रिया म्हणजे बिगारी पणाचे आहे आणि याला साक्ष म्हणजे आपल्या अंतरंगातील हरीच आहे. जसे बीज असेल तसेच फळ असते, जसे कारण असेल तसेच कार्य असते. तुकाराम महाराज म्हणतात मिठाचे खरे स्वरूप म्हणजे खारटपणा आहे आणि त्याचे कार्य खारट असते त्याप्रमाणे मनुष्या तू असे समज जशी पुजा तू करशील तसेच तुला फळ मिळेल.