494.
धिग जिणे ज्याचा स्वामी हीन वर । मरण ते बरे भले मग ॥१॥
आईका जी देवा ऐसी आहे नीत । काय ते उचित सांभाळावे ॥धृपद॥
देशोदेशी धाक जयाच्या उत्तरे । तयाचे कुतरे तरि भले ॥२॥
तुका म्हणे हे का सुचले उत्तर । जाणोनि अंतर ओळखावे ॥३॥

अर्थ :
अहो ज्याचा स्वामीचा दुर्बळ आहे हिन आहे त्या माणसाचे जगणे व्यर्थ आहे त्यापेक्षा त्याला मरण आलेले बरे. म्हणून देवा तुम्ही ऐका नीती अशीच आहे म्हणून जे योग्य असेल, उचित असेल तेच तुम्ही करावे. ज्याच्या शब्दाचा दरारा देशोदेशी आहे, त्याच्या घरी श्वान होणे ही बरे. तुकाराम महाराज म्हणतात मी असे कठोर का बोलतो, असे बोलावेसे मला का वाटले, ते आपण जाणून घ्यावे.