8.
देवा आदिदेवा सर्वत्रांच्या जीवा । ऐके वासुदेवा दयानिधी ॥१॥
ब्रम्हा आणि इंद्रा वंद्य सदाशीवा । ऐके वासुदेवा दीनबंधु ॥२॥
चौदा लोकपाळ करिती तुझी सेवा । ऐके वासुदेवा कृपासिंधु ॥३॥
योगियांचे ध्यानी नातुडसी देवा । ऐके वासुदेव जगद्नुरु ॥४॥
निर्गुण निर्विकार नाही तुज माया । ऐके वासुदेवा कानडिया ॥५॥
करुणेचा पर्जन्य शिंपी मज तोया । ऐके वासुदेवा राया गोजरीया ॥६॥
नामा म्हणे जरी दाखविशील पाया । तरी वदावया स्फूर्ति चाले ॥७॥