2554.
शिजल्यावरी जाळ । वाया जायाचे ते मूळ ॥१॥
ऐसा वारावा तो श्रम । अतिशयी नाही काम ॥धृपद॥
सांभाळावे वर्म । उचिताच्या काळे धर्म ॥२॥
तुका म्हणे कळे । ऐसे कारणाचे वेळे ॥३॥

अर्थ :
अन्न चांगले शिजले आणि तरीही खाली जाळ चालू ठेवला तर चांगले अन्न वाया जाण्यासाठी ते मुख्य कारण ठरते. त्यामुळे अति श्रम करणे टाळावे जर अती श्रम केले तर ते व्यर्थ ठरते. योग्य वेळी योग्य काय आहे ते कळाले पाहिजे व ते सांभाळले पाहिजे आणि तोच मुख्य धर्म आहे. तुकाराम महाराज म्हणतात कोणतेही कार्य करत असताना हया गोष्टी समजत असतात किंवा समजून घ्याव्या लागतात.