47.
पारधी तो झड घालोनी पातला । घालावया घाला एकसरे ॥१॥
भयाभीत झाली पांचही ते काळी । वासना गुंतली एकमेका ॥२॥
वडील कुरंगी येऊनि त्यापाशी । लागोनी पायांसी काय बोले ॥३॥
नको मारू पति तृषेने पीडिला । मारी तू मजला तया आधी ॥४॥
आहेवपणाने धाडी स्वर्गलोका । येतुल्याने सुखा पात्र होऊ ॥५॥
इतुकीयामाजी दुसरीही आली । ती ह्मणे उगली थांब आता ॥६॥
तृषेने पीदिलो पाजी आधी पाणी । मन जैसे मनी तैसे करी ॥७॥
नामा ह्मणे भिल्ल विसरला घात । राहिला निवांत त्यांच्या बोले ॥८॥