2571.
स्मरणाचे वेळे । व्हावे सावध न कळे ॥१॥
पडिलो विषयांचे ओढी । कोणी न दिसेसे काढी ॥धृपद॥
भांडवल माझे । वेच झाले भूमी ओझे ॥२॥
तुका म्हणे कळे । तूचि धावे ऐसे वेळे ॥३॥

अर्थ :
हरी चिंतन करताना किंवा स्मरण करताना सावध व्हावे हे मला कळत नाही. मी विषय आवडीच्या प्रवाहामध्ये पडलो आहे या मधून मला बाहेर कोणी काढेल असे मला दिसत नाही. माझे मुख्य भांडवल म्हणजे मन होते बुद्धी होती आणि आता त्या बुद्धीचा उपयोग नको त्या ठिकाणी मी केला तेथे माझा या भांडवलाचा खर्च झाला त्यामुळे मी आता भूमीला ओझे म्हणून राहिले आहे. तुकाराम महाराज म्हणतात देवा तूच एक अशा वेळी धावून येणार आहेस हे मला कळले आहे.