1604.
माझे पाय तुझी डोई । ऐसे करि गा भाक देई ॥१॥
पाहता तव उफराटे । घडे तई भाग्य मोठे ॥धृपद॥
बहु साधन मोलाचे । यासी जोडा दुजे कैचे ॥२॥
नका अनमानू विठ्ठला । तुका म्हणे धडा जाला ॥३॥

अर्थ :
देवा माझे पाय असावे आणि तुझे डोके असावे असे काहीतरी करण्याचे वचन तू मला दे. असे पाहिले तर हे उरफाटे दिसते पण असे जर घडले तर मी माझे मोठे भाग्य समजेल. हे साधन खूप मोलाचे आहे आणि या साधनाला दुसऱ्या कोणत्या साधनांची जोड असू शकेल. तुकाराम महाराज म्हणतात देवा मी तुम्हाला जे काही मागितले आहे ते फार विचारपूर्वक मागितले आहे ते तुम्ही आम्हाला देण्यास हायगय करू नका कारण यापूर्वी आम्हाला तसा धडा झाला आहे.