2427.
सांखळिलो प्रीती गळा । भुंके वेळा जाणोनिया ॥१॥
तुमचे मी केशीराजा । सुने या काजा पाळिलो ॥धृपद॥
आले गेले कळे वाटा । कोण निटा वाकडिया ॥२॥
तुका म्हणे आले वारी । दुरिते दुरी नातळता ॥३॥

अर्थ :
मी देवाचा पाळीव कुत्रा आहे मी देवाच्या प्रेमाच्या साखळीने बांधलो गेलो आहे आणि मी योग्य वेळ पाहूनच भुंकत असतो. हे केशी राजा तुमच्या कामा करताच मी तुमच्या जवळ पाळलेला कुत्रा आहे. कोण चांगल्या व कोण वाकड्या वाटेने आले व गेले हे मला चांगले कळते. तुकाराम महाराज म्हणतात आणि जर कोणी माझ्याकडे वाकडे वाटेने जर येताना दिसले तर मी ते दुर आहेत तोपर्यंतच त्यांना आणखी दूर करत असतो.