2428.
पाळोनिया मोठे केले । त्यासी बोले ओळखी ॥१॥
जवळोनि नवजे दुरी । लाड करी कवतुक ॥धृपद॥
खून उभा विटेवर । काटींकर ठेउनिया ॥२॥
तुका म्हणे घातली वरी । झुली थोरी मोलाची ॥३॥

अर्थ :
ज्या धन्याने माझे पालनपोषण करून मला मोठे केले त्याचे शब्द ऐकताच मी त्याला ओळखतो. तो माझा धनी माझ्या जवळून दुर कधीच जात नाही माझे लाड कौतुक सगळे तो पूर्ण करतो. देवाची ओळख म्हणजे जो विटेवर आपले दोन्ही कर कटेवर ठेवून उभा आहे, तुकाराम महाराज म्हणतात देवाने माझ्या अंगावर त्याची प्रेमरूपी झुली घातली आहे ती फारच मोलाची आहे.