2265.
स्वति श्रीनगर द्वारकापुरीचे । श्रीरणछोडजीचे सेवेमधे ॥१॥
दासानुदास चरणरज साचार । विनंती अपार लिहितसे ॥२॥
यात्रेकरी याने राखिले रुपये । तीन शते साठ द्यावे यांसी ॥३॥
ऐसे पत्र दिले हुंडी ते लिहून । नगरीचे बाम्हण पाचारिले ॥४॥
बोलावुनी त्यांसी वांटी दक्षिणेसी । यात्नेकरी यासी विस्मय वाटे ॥५॥
म्हणती धर्मात्मा सुशील मेहता । दानशूर दाता जगी खरा ॥६॥
घेवोनी द्रव्याते दिले ब्राम्हणांसी । लिहुनी हुंडीसी दिधले तेणे ॥७॥
नामा म्हणे धन्य नरसी मेहती । ऋणी देव होता हुंडी भरी ॥८॥