1704.
आदि वर्तमान जाणसी भविष्य । मागे पुढे नीस संचिताचा ॥१॥
आता काय देऊ पायापे परिहार । जाणा तो विचार करा देवा ॥धृपद॥
आपुले ते येथे काय चाले केले । जोडावे ते भले हात पुढे ॥२॥
तुका म्हणे फिके बोल माझे वारा । कराल दातारा होईल ते ॥३॥

अर्थ :
देवा तुम्ही भूत, भविष्य, वर्तमान व मागील सर्व संचित जाणता. देवा आता मी याविषयी तुमच्या पायाजवळ काय बोलु तुम्हीच काय योग्य निर्णय माझ्या विषय असेल तो घ्यावा. आमचे येथे काय चालणार आहे तुमच्या पुढे हात जोडावे हे चांगले. तुकाराम महाराज म्हणतात हे दातारा माझे बोलणे म्हणजे फिके आहे त्या बोलण्याकडे तुम्ही दुर्लक्ष करा तुम्ही जे बोलाल ते होऊ शकते त्यामुळे तुम्ही माझे संचित नाहीसे करा.